身處台灣嘅八九學運領袖王丹，向來好留意香港消息，多次讚賞學民思潮發起嘅反國教運動，甚至好謙虛咁講過：「黃之鋒已經超越我。」王丹有份創辦嘅華人民主書院，噚日宣佈喺11月底會邀請黃之鋒去台灣，同當地學生進行交流，中港兩代嘅學民領袖有機會碰頭。黃之鋒已經收到邀請，但仲未定出確實日期，暫時未知去唔去到。黃之鋒話：「我要以教會同香港活動為先，但個人嚟講都好想同王丹見面。」之鋒有留意台灣反媒體霸權運動，如果真係成行，會睇多啲資料先去交流。