比亞迪（1211）除獲股神畢菲特不離不棄外，爽組合「燈神」火燎森亦為愛股護航，他指里昂分析員將目標價降至四毫子，是譁眾取寵，「有條件由分析員轉行做傳媒。」
他指今年是比亞迪撇賬較多的一年，以此盈利水平去估價，會低估價值，分析員無理由不知，認為只要比亞迪完成太陽能業務的撇賬，業績就可以回升。「只跌至八元，即係畢菲特08年買入的水平，就已經可以掃貨。
黃國英：最「離譜」報告
對於里昂的震撼價，基金經理、豐盛資產管理董事黃國英亦笑言：「如果跌到四毫不如執咗佢，我搵（四毫）俾你都費事啦。」他雖同意比亞迪會繼續下跌，跌穿十元都不為奇，但無可能跌到四毫子。「如果去到咁低，話唔定股神成間同你買晒佢。」他指散戶心中都有個合理的估值，絕不會賤賣手上的股票。他笑指這是他讀過最「離譜」的報告，「仲有四毫子淨就真係太有趣啦。」
蘋果及討論區洗版：比亞迪$0.41得啖笑？
【蘋果Dominic Tsang】
信佢就一世冇運行?﹗
【神愛膠人】
等$0.5瞓身入
【dhj】
點信佢，當年話滙豐$28就係呢間pk
【皇軍神風特攻】
完了吧 如無意外……
【pp88】
笑到我停唔到，畢菲特放曬未？？？
【adultman2012】
唔該里戇用0.42港元賣少少哋1球俾我
資料來源：蘋果日報留言區及香港討論區