好多喺南美同西葡搵食嘅球星都唔太想去英國曼徹斯特踢波，因為佢哋鍾意陽光與海灘，而曼市就又凍又潮濕。好似曼城領隊文仙尼（圖），佢就想得閒曬吓太陽，曬番一身古銅色皮膚；但曼市成日陰天，加上佢貴人事忙，想要古天樂咁嘅膚色，惟有去曬燈啦。呢排曼城表現麻麻，近5場比賽贏得一場，加上占士米拿又受傷，文帥照完燈後睇怕要諗諗計仔。