入境處上周一連多天在上水展開「風沙行動」打擊水貨客，「一簽多行」的水貨客為免入獄，紛紛退出走水貨行列。有行內人爆料，指有貨主早前入了大量月餅，打算靠「自由行」以螞蟻搬家方式將月餅運往內地出售，但中秋逼近卻遇着政府嚴厲打擊，「啲月餅堆晒喺度，想散都唔知點散！」
倉務員打麻雀打發時間
記者昨日下午5時到水貨集散熱點晉科中心巡視，發現六層貨倉一改以往「門常開」的情況，九成重門深鎖，水貨客拆箱分貨的情況不復見，六樓貨倉更有人清閒得在倉內打麻雀打發時間。由於大部份貨倉沒有「營業」，不知倉內堆積多少貨物，但整個下午只有零星人員出入，另有約20多名水貨客在地下等候取貨，對記者甚為警戒，不時探頭回望。三樓唯一一間營業的倉庫，2,000呎有一半地方擺放尿片、小食甘大滋及盒裝果汁，一名約20歲的倉務員在理貨。當記者趨前查詢時，他竟「騰雞」以為執法人員巡視，主動走出解畫：「阿Sir，我哋好合作，有人問都冇派貨㗎！之前貼咗不再派貨嘅標語，但唔知畀邊個撕咗！」該名倉務員還帶記者入內參觀，「我哋冇月餅呢啲麻煩嘢，全部係賣俾老闆（指區內士多）。不過如果有內地人嚟買，我哋都會賣，但絕對唔係派貨！」他表示在這風頭火勢下，大部份貨主都不敢大肆走水貨。《蘋果》記者