本港樓價屢創新高，很多年輕人都呻自己「上唔到車」，對於這個現象，力寶投資管理行政總裁郭偉良嘆道：「呢個已經係改變唔到嘅事實，只可以寄望將來經濟環境，同埋香港可以多元化啲，工程多啲，可以爬到上嚟，任何環境升市跌市總係會犧牲某啲人」。
籲廣交好友 一齊投資
全球央行不斷印銀紙，通脹壓力不斷升溫，投資者只好投資房地產保值。他說：「個升市嚟得好急，唔淨只係香港，所以趕得到上車就好彩，上唔到車就好慘。」年輕人要置業，首先要做好自己，自我增值，其次便是廣交好友，方便合資。他解釋指，將來背靠中國支持香港發展的機會將會越來越多，年輕人必須增值，除學好國語及熟讀內地形勢，亦要親身踏足內地，感受一下內地近年的發展。除了自我增值，他亦建議年輕人應盡量結交多些朋友，「大家抱着同一個理念，睇啱嘅嘢價錢又啱，咪團結一齊做投資囉，（我）後生時做好多大家合資去投資，中港都有，唔好抹煞出面嘅機會」。隨着大量內地專才來港，樓市的需求只會有增無減，因此他建議年輕人應一步一步來，首先投資其他產品，儲足「彈藥」才涉足樓市，不要奢望可一步登天。