無論是工作或家庭，力寶投資管理行政總裁郭偉良都得到身邊人的信任與支持，令他可以全情投入自己喜愛的工作，難怪他能夠平步青雲，羨煞旁人。每次提到老闆李棕，郭偉良都會恭敬地以「李棕先生」稱呼他，「李棕先生佢半夜三更都會同我哋發電郵，問吓點呀，得唔得呀，需唔需要再幫你搵多啲支持者，幾難得先搵到一個咁樣嘅老細。」
陪囡囡瞓 放學打畀佢
在他眼中，李棕在房地產方面是天才，他稱，李棕完全「感受到房地產買賣嗰個情況、時機，呢樣嘢佢真係好叻」，「有佢嘅指導同畀嘅方向係好重要，有咗佢個宏觀角度，我哋睇啲嘢就變咗4D。」得到老闆重視與信任的郭偉良，並沒有因事業而放棄家庭，說到女兒時更流露幸福笑容。他坦言，「我係超級錫個囡」，「天濛光就起身，走去我囡囡間房陪佢瞓，俾佢感受我好似成晚陪佢瞓咁，始終身體接觸係好嘅，之後出門口就錫啖，佢都會感受到我存在，放學又會打個電話畀佢，等佢成日都感覺到daddy在身邊。」除女兒外，太太亦是他的精神支柱。他不諱言，識到太太是他人生的重要轉捩點，「好多謝（呢17年）佢信我，多謝佢俾到空間我」，讓他能無後顧之憂地投入工作。