雙紅會搞到利迷着晒，仲有人喺Twitter留言侮辱同恐嚇執法球證賀斯，搞到佢要去報警。輸得唔抵嬲係正常，但冇品鬧人就當然唔要得。學吓紅軍隊長謝拉特，人哋以波論波，話隊友蘇亞雷斯對新特蘭插水，抵畀人罰黃牌；但係對紅魔場波明明應該得到12碼，但係球證先入為主，對呢位烏拉圭國腳有偏見就唔畀，呼籲一眾判官客觀啲。理性討論先係㗎嘛！