新政府總部去年開幕，採訪安排屢受批評。據了解，今年初發生保安與記者衝突後，行政署曾向前線保安員發出指引企圖補鑊，提醒保安員不應干預記者採訪，「只需留意記者的活動或去向，不適宜抱着監視或看管的態度」；但有攝影記者表示，早前在新政總東座對開大空地採訪遊行時遭阻撓，指引形同虛設。
「做嘢嘅人覺得被冒犯」
據知行政署上述指引，提醒保安員在執行職務時，「宜盡量避免與記者有任何肢體碰撞或口舌之爭」。攝影記者協會副主席鍾式明表示，指引發出後，保安與記者的衝突雖減少，但個別保安仍視記者為「敵人」，「問啲記者喺度做乜，質疑我哋身份，我哋身上有戴證都咁問，令做嘢嘅人覺得被冒犯。」鍾式明又指，曾在周末採訪遊行，記者跟隨請願人士進入東座對開大空地，但遭保安員阻撓，「唔俾記者入，記者打去保安部投訴，當值嘅人用好唔禮貌嘅態度，話『唔關我哋事，搵行政署，總之記者嗰日唔可以喺嗰度。』但其實嗰度係停車場範圍，我哋有權喺度，嗰日有行家同佢哋衝突㗎。」《蘋果》記者