縱然趙式芝（GiGi）與同性伴侶楊如芯（Sean）愛得勇敢，日前公開已婚消息，但GiGi爸爸趙世曾昨日繼續棒打鴛鴦，強調愛女非同性戀傾向，並公開呼籲不同地域男士來追求GiGi，認為以五億栽培未來女婿只是小數目。
趙式芝與楊如芯日前在北京公開在法國結婚的消息，估不到惹來趙世曾反感，前日更出聲明強調愛女沒結婚。昨日大批記者到灣仔卓能廣場採訪趙世曾，他先派秘書送來蛋撻和飲品，至下午2時，趙世曾乘開篷勞斯萊斯返公司後說：「GiGi智貌雙全又孝順，我同佢仔細傾過，佢唔係同性戀傾向者，大家對佢有誤解。佢梗有女性朋友一齊玩、旅行，冇其他關係。」
五億招親小數目
趙世曾認為GiGi這樣好的女仔應有人追求，他會全力資助：「我有心意上支持，幫佢哋創造更好生活，唔理香港、內地定外國男士，亦唔理係窮定有錢，有志都會幫。」說到用五億元招親，趙世曾強調栽培一個人才，五億不是大數目。
提到婚訊由GiGi和Sean在北京親自公開，趙世曾即說：「我同GiGi傾過，冇呢啲嘢，亦唔想再講！佢冇結過婚！佢交乜嘢朋友我冇所謂，但有進一步傾向就反對！」至於前日的聲明，趙世曾謂有跟GiGi傾過，知她心意。那GiGi跟Sean是甚麼關係？趙世曾說：「我唔識呢個人，GiGi好多社交上朋友，唔係有乜嘢特別關係。」
是否GiGi親口認不是同性戀？趙世曾說：「我同佢傾過，唔係講得咁仔細，但我覺得佢唔係。」若GiGi要跟Sean一起又如何？他說：「相信佢會明白，呢個唔係最終目的，咁大個女，都三十歲以上，佢知自己做緊乜。」有指姚煒以淚洗面，趙世曾表示二人沒來往。式芝好友莊思敏昨聽到5億招親，笑言要變性應徵。
採訪：王崇穎
攝影：黃文偉