黑幫電影總有一句：「義氣值幾錢呀！」噚日帶住歷史性第一個香港羽毛球女雙「超級賽」金牌返港嘅「孖妹」謝影雪同潘樂恩，可以話你知「義氣」喺無價嘅。請看看影雪靚靚家姐影彤手上嘅砌圖手信，就喺「孖妹」前一晚漏夜砌出黎；原本唔關阿潘事，但佢見隊友夜夜仲砌緊，寧願自己瞓少啲，幫手砌埋一份，佢哋係女雙嘅默契可能就喺咁一點一滴累積出嚟。
靚靚家姐影彤天生一副明星相，拍過相機廣告，家喺美容師，佢細個都入過羽球青年軍，不過中學後冇再練；阿雪話家姐嘅支持好緊要：「佢好留意我每一個比賽，成日同我message，對我好大支持。」「孖妹」年紀輕輕，11月中仲會亮相都係「超級賽」級別嘅香港公開賽，大家記得入場支持佢哋喇！