電眼美人李美鳳前晚在港出席活動，穿上白裙如新娘的她，勾起的卻是與偶像劉德華登台的美好回憶，不過她補鑊表示要攬住老公錫。同場李玟婚後長期被老公Bruce投訴見不到面，近期內地反日治安欠佳，李玟趁機留家照顧打波受傷的老公，做護士人妻。
李美鳳、李玟、余安安、朱千雪和Jessica C.等，前晚在灣仔出席護膚品活動，Jessica C.全場最性感，穿上的Vivienne Tam雪紡裙中空又大露背，她笑言要變身機械人，小心活動。
反日益李玟老公
嫁了去台灣的李美鳳，以代言人身份、專程返港出席昨日的活動。一身華麗白裙的她，美艷如昔，恍如新娘子，她說：「好有結婚feel，諗起當年第一次同劉德華去美加登台，嗰時落大雪，班機又delay，好難忘，華仔係我永遠嘅偶像。」新娘造型卻諗起劉德華，老公豈非呷醋？她說：「冇呷醋，老公係老公，偶像係偶像，老公係要攬住嚟錫。」她透露之前和仔女去加拿大度假，跟老公小別勝新婚：「返嚟之後，溝通得好咗，我仲自製啲浪漫約會㖭。」李美鳳幸福人妻，問如果偶像劉德華請她復出拍戲，可會考慮？她say no說：「到時先算啦，家太忙。」
同場的李玟婚後只顧工作，老公Bruce經常投訴，她最近返家做好太太，她說：「惠陽因為釣魚島事件有少少暴動，所以有場騷取消咗，老公終於可以見到我，佢之前打tennis，扯斷咗兩條肌肉，我做吓護士仔照顧佢。」
安安心痛凌文龍
余安安早前被拍到搭上嫩男、舞台劇男演員凌文龍，她說：「本來都唔想講，咁純真、咁好嘅關係寫成咁。大家好夾，我當佢係自己個仔，係母子關係，咁樣寫唔係咁好睇囉。」安安更坦言凌文龍不時去她家吃飯、傾偈：「我哋成日一齊，我仲想蹺住佢隻手，好似蹺我個女咁，我啲女都叫佢阿哥。」
採訪、攝影：盧妹