每年嘅9月尾到10月頭都係慕尼黑啤酒節，列貝利（圖）喺拜仁慕尼黑踢咗5年，都已入鄉隨俗，好似星期日晚就同老婆出去慶祝。可能上星期六球隊贏完波，「刀疤佬」呢晚玩得特別開心，除咗大杯酒大塊肉，佢仲拎住部DC仔周圍影，又叫人幫佢同老婆影相。不過，喺拜仁青訓出身嘅中堅畢斯杜巴就話對啤酒節冇興趣，佢話要專心踢波。