尖沙嘴廣東道不時有十架八架拉利，高調咁玩拉龍，但點都唔及剛喺英國出現嘅近千架拉利咁「駕勢」。喺月中，英國銀石賽道，雲集咗964架法拉利，打破咗四年前日本Fuji Speedway創出嘅490架健力士紀錄。
近千架法拉利由老爺古董到新款都有，拉利迷必定睇到發晒狂。官方數字話馬力總和達到49萬匹，身處其中肯定被引擎聲轟到耳仔痛！
