上一班闖過NBA嘅中國球星，目前只有姚明一個叫撈得掂，不但是CBA上海大鯊魚老闆，又出紅酒，年初做埋上海政協常委，錢途一片光明。巴特爾同王治郅到家，都仲要喺CBA打拼，後者仲係今年倫奧中國男籃嘅主力，凸顯國男青黃不接的情況。而打過吓湖人嘅孫悅，2009年俾記者影到同前女友、藝人張如意玩車震，成為一時嘅話題，不過他效力的北京奧神非CBA球隊，故表現難有進步。現時中國球員絕迹NBA，不過唔代表未來一代唔會再打入呢個世界頂級籃球聯賽。美國球探網《nbadraft.net》，最近搞咗2014年嘅模擬選秀，現年18歲、被譽為「新姚明」嘅王哲林，俾佢哋選為綜合第43選。希望佢可以令中國球員再現NBA啦。