已故船王趙從衍孫女、地產商卓能主席趙世曾大女趙式芝，上周四在北京公開承認跟波爾錶太子女楊如芯（Sean）已在法國舉行同志婚禮。婚訊曝光，趙式芝的76歲父親趙世曾大罵黐線，昨日又發聲明強調女兒仍是單身，還打算豪擲五億為女兒招親，誓要趕絕Sean。趙式芝為平息父親怒氣，昨日封嘴避談與Sean的婚事。
趙世曾和姚煒的33歲女兒趙式芝和波爾錶太子女楊如芯的七年斷背情，最近終於開花結果，她們上周四在北京公佈已於今年4月在法國小鎮教堂舉行婚禮，成為首對公開承認同性婚姻的香港名人。趙式芝覓得真愛，她敢做敢認的坦白，只獲媽咪姚煒送祝福，爸爸趙世曾仍為此事耿耿於懷，他昨日發聲明強調愛女仍是獨身，並有意豪花五億為女兒招親。
「趙式芝並未結婚」
有兩子一女的趙世曾上周五被記者追問女兒趙式芝已婚，他即說：「黐線，冇咁嘅事！」事隔短短幾天，接受不了的趙世曾昨日發聲明發功，他說：「現本人作出更正，趙式芝並未與任何人結婚，請澄清。」記者昨午致電趙世曾，他在電話中說：「屋企事一定要澄清吓，都冇咁嘅事。」趙世曾表示見到女兒已婚報道後感到十分荒謬，不過趙式芝和Sean上周四雀躍公佈今年4月在法國舉行同志婚禮，雖然雙方父母沒在場觀禮，但Sean仍安排了部份家人見證，法律上仍未承認，趙世曾也說：「冇咁嘅事，我唔識呢啲。」
趙世曾堅持不承認女兒的同性婚姻，問他是否不滿趙式芝未知會父母便自把自為？他說：「冇呢件事，嬲乜鬼！應該畀啲空間佢，咁大個女有分有寸。」趙式芝和Sean相戀七年，不時出雙入對，趙世曾卻斬釘截鐵指不認識Sean，他勞氣說：「我唔識呢啲嘢！朋友邊個都可以，唔好搞到咁複雜，GiGi（趙式芝）社交圈子好闊，有好多朋友。」
「希望個女有好歸宿」
在趙世曾心目中，趙式芝仍未嫁，他可會為女兒介紹男友？趙世曾說：「你哋幫我搵，喺報紙幫我招親，有大筆獎金畀介紹人，我攞五億出嚟，你幫我搵個好女婿返嚟，我肯定重手，我希望個女有好歸宿。」趙世曾想為女兒選哪類型的老公？他說：「兩個人一齊都係搵個伴，冇乜條件，最重要佢鍾意，我有時見啱嘅男仔都有介紹畀個女。」
趙式芝先斬後奏的婚事，似影響了父女感情，趙世曾說：「佢日日都有返工，有見面，我同個女感情非常好，GiGi係孝順女，又有才華，佢係公司執行董事，要有分有寸，畀啲空間佢喇。」傅明憲日前還透露趙式芝即將與Sean在港舉行結婚派對，趙世曾聞言即說：「冇啲咁嘅事，冇結婚，搞咩wedding party！」
父親趙世曾至今不接受女兒的同性婚姻，趙式芝昨日在電話訪問中無奈地說：「老人家對呢件事好明顯唔開心，我暫時冇特別回應。」到底可有帶過Sean拜訪父親趙世曾？趙式芝說：「暫時唔回應喇，冇乜宣佈。」父女關係緊張，趙式芝會否叫媽咪姚煒代為幫口勸父親？她說：「暫時冇回應喇，希望畀啲空間佢哋，尊重番佢哋。」
趙式芝：畀空間父親
趙世曾公開表態不接受趙式芝與Sean一起，有意擲五億幫女兒招親，問她可會怕其父坐言起行替她安排相睇？她說：「我冇嘢驚，我唔會回應，應該畀啲空間佢哋。」趙世曾的聲明擺明棒打Sean，她昨日在電話中說：「冇乜嘢特別回應。」對於不獲「外父」趙世曾承認，可令Sean感到失望？她也無奈說：「尊重番佢老人家嘅講法，我冇嘢講。」是否繼續籌備結婚派對？她說：「唔方便講。」隨即掛線。
近年信了基督教的姚煒學識包容女兒，她日前接受訪問時也給新婚的趙式芝送上祝福，還承諾會愛屋及烏，不過她思想始終保守，雖不贊成，但仍尊重女兒決定，她盡量避談，據知姚煒昨午在教會查經，直至截稿前未回覆。
採訪：顏英儀、盧妹