澳門新葡京最近食正環保概念，將平日賭仔飲完唔要嘅膠水樽，設計成五米高嘅大紅燈籠，同市民慶祝中秋國慶兼新葡京五周年。四太梁安琪同澳博董事蘇樹輝等人，噚日為呢個環保大紅燈籠主持揭幕禮；新葡京仲大搞噱頭，叫賭仔估吓要砌成呢個大紅燈籠，究竟要幾多個膠水樽？最後會抽出十位估中嘅幸運兒，每人獲贈現兜兜5,000蚊澳門幣。