【本報訊】近年轉戰內地拍劇搵人仔的藝人李彩華（Rain），有指前年賠償400萬元與前經理人公司寰宇提前解約。然而，寰宇老闆林小明與前妻趙雪英之間的訴訟，卻將Rain「拖落水」。趙昨在庭上大爆，指稱Rain曾投訴林逼她向其他商人提供性服務，她為救Rain逃出生天，遂要求林與Rain解約，作為離婚協議的條件之一。
Rain的母親兼現任經理人昨說：「完全唔知有咁嘅事，都咁多年啦，Rain都脫離咗呢間公司幾年，如果Rain肯提供呢啲服務，我哋都唔使俾人追債，唔使咁窮。邊個亂噏，我哋保留法律追究權利。」
微博留言：受不了
Rain在截稿前沒有回覆本報，昨午三時許在微博留言：「我快受不了喇！」林小明昨接受訪問時說：「我前妻講嘅嘢根本冇事實根據，完全係佢幻想出嚟，如果當日我有做過佢講嘅嘢，咁我都違反同李彩華簽嘅藝員合約，佢解約又點會要賠錢畀公司呀！」林正與律師研究是否對前妻採取法律行動，以保聲譽。趙雪英則回應：「件事進入咗法律程序，好多嘢唔講得。」擔任寰宇國際主席的林小明，去年遭前妻趙雪英入稟高等法院，指林違反承諾，沒有讓趙擁有及使用一輛豐田房車，要求林賠償。
要求寰宇與李解約
案件昨在聆案官席前提訊，代表趙的大律師指，Rain曾向趙投訴，遭林強迫她向一些商人提供性服務。而趙與林年前商議以和解方式處理離婚官司時，趙要求寰宇與Rain解約，作為條件之一。雙方達成協議，並就寰宇與Rain解約、將涉案房車交予趙、及離婚和解協議，在2010年3月簽署三份文件。
但林一方指，有關強迫Rain提供性服務的指控與本案無關，趙在庭上公開，旨在誣衊林，故要求刪除部份字眼。
雙方昨終同意，將指控內容改成因Rain與林在07、08年間有爭拗，Rain工作量不足而終止合約。
案件編號：HCA428/11