「千里迢迢跑上去買電子產品？」不要誤會，我不是那種貪便宜買老翻的人，今時唔同往日，國內很多電子產品製造商已慢慢脫離一味抄襲的惡習，很多大廠沒有兼顧細眉細眼的功能，這些國內小牌子，都做得到。 文、攝：晉易
說到返深圳找電子產品，識途人都知道，當然係華強北啦！每日早上開始一直到傍晚時分，這一帶幾幢專賣各式電腦、手機、電子產品的商場，總擠滿來自四面八方的人，他們有用家，也有買番去再轉售的買手，大家之所以都往這裏鑽，皆因這裏電子產品多而雜，每次逛都有種尋寶的況味。
這次被我尋中的，可不是甚麼龍頭大店，「億通」躋身於一家商場的小舖中，一不留神，甚至會走漏眼。老闆張小姐眼光準，所以賣的產品種類雖不至於最繁多，但頗有特色。張小姐除經常翻閱各式電子、電腦產品雜誌，更特設QQ小組跟客人交流，更可藉此渠道提供售後服務，「件貨好唔好用，有無問題？問用家最清楚。而且人客想要乜？想搵乜，我都可以透過QQ第一手掌握，以後入貨、揀貨都準好多㗎。」
「賣得最好，就係藍芽小音箱同電視上網手指，前者乜線都唔使駁，手機開着藍芽就可以透過佢發聲，播歌、睇片效果都唔錯，最緊要係夠輕便；後者將隻手指插落電視，就可以為電視加入上網功能，有乜用？用部大電視打上網Game，過癮好多㗎。」
億通電器
地址：深圳華強北路萬商電腦城二樓3A-1檔
電話：（86）137-2885 7253
交通：地鐵華強路站出，步行約十分鐘；或由羅湖關口坐的士，約¥30