冇膽婷婷嚇細路

冇膽婷婷嚇細路

謝婷婷及女子組合Super Girls昨日在旺角出席萬聖節宣傳活動,婷婷以性感貓女郎造型現身,吸引大批龍友到場拍照。大會安排婷婷與兩隻「嘩鬼」合照,向來驚鬼的婷婷大叫怕怕,合照時更不敢直視「嘩鬼」。婷婷又為小男孩化鬼妝,但小男孩甚不情願被畫花面,化妝時更扭計叫「咦」,場面搞笑。

謝婷婷昨日為小男孩化鬼妝兼齊齊扮鬼宣傳萬聖節。

驚青睇鬼片

婷婷透露萬聖節時曾扮小紅帽及鬼學生:「唔會好驚嘅,都係見到樣,因為我好驚鬼,不過我又好鍾意睇鬼片。」她自爆每次看完鬼片,要阿姨陪落妝,連去洗手間亦要阿姨在門外不停講嘢定驚,又謂男友安志杰亦非常愛看鬼片,經常迫她陪看,幸好現實生活中未試過撞鬼。今個萬聖節,婷婷將在台灣工作,未能與姪仔Lucas及Quintus慶祝。
採訪、攝影:盧妹