發展局局長陳茂波上周六出席新界東北諮詢會時首次披露，本港土地供應短缺，全因約1,200公頃的空置住宅用地，須預留作「鄉村式發展」，興建丁屋或低密度住宅，隨即被質疑明益原居民。發展局副秘書長陳松青昨出席《城市論壇》時繼續狡辯，指有關土地只有規劃用途，不屬政府土地儲備。陳松青指，2,100公頃空置土地並不等同土地儲備，「土地儲備係已經可以發展嘅土地。家呢啲土地（指空置土地），只係規劃圖上有規劃到，但未經撥出或政府未去批租嘅土地，呢啲土地有好多家劃做鄉村式發展。」
測量師指兩者類同
陳又澄清說，鄉村式發展的規劃用途，不只是指新界原居民村，市區也有鄉村式發展，包括鯉魚門村、薄扶林村及牛池灣村。不過，測量師學會建築測量組主席何鉅業認為，已規劃的空置土地，理論上都算是土地儲備一種，「只係幾時可以攞出嚟用」。最重要視乎每幅土地的狀況，「有規劃用途好似住宅，都未必即刻用得，可能道路、山坡未整好，政府要做好工程或配套先會納入土地儲備」。 《蘋果》記者