馬國明噚日喺大埔出席中秋節活動，同場仲有巨聲幫嘅譚嘉儀。胡定欣早排被影到同新男友出海開P慶生，定欣前男友馬明就話完全唔知：「係咩？佢冇同我講過，自己都費事問，最重要係自己開心就得。」馬明反而話有留意拍檔楊怡同羅仲謙單新聞：「飲多咗醉搵人接係好應該，醉酒唔好揸車嘛，之前慶功都有同過楊怡飲酒，但就冇見過佢飲到好醉。」