泛民呢排出門真係多災多難，繼民主黨劉慧卿喺日內瓦俾人搶手袋之後，工黨李卓人竟然同樣喺日內瓦遭人非禮。阿人話，呢次本來去游說聯合國調查李旺陽「被自殺」事件，點知搞到自己「被非禮」，右面大髀慘遭賊人抽水。件事係咁嘅，佢喺日內瓦坐巴士去下榻嘅地方，巴士上人多擠逼，其間阿人feel到有隻手不斷喺佢右面大髀度遊走。阿人當然feel到呢隻手唔單止係對佢隻大髀有興趣，而係想瞄準佢褲袋入面個銀包，所以佢即時伸隻手入去捉實個銀包，企喺佢面前嘅男人突然落車，逃之夭夭，令佢冇得將佢送官究治：「我冇俾人成功搶嘢，但就肯定俾人非禮咗。」