謝安琪（Kay）、薛家燕同鍾舒漫等噚日喺尖沙嘴出席月刊創刊酒會，Kay透露早前返內地工作後感染洛沃克病毒，連前晚嘅慈善演出亦受影響，頻頻甩歌詞，佢話：「當時好失神，即使俾人話都算啦，身體出現問題冇辦法，原本着高踭鞋唱歌，但因為屙到腳軟，最後換番平底鞋。」Kay擔心病毒傳染，要同囝囝隔離：「連錫錫同一齊食飯都要保持距離。」