【2012亞洲先生競選之畸男盡出】無綫今年停辦《香港先生競選》，一班心口有個勇字的猛男、壯男、型男和騎呢男心急如焚，終於等到《亞洲先生競選》開鑼，昨日亞視大埔總台出現香港選美史上最重口味的現象，亞洲先生面試被騎呢怪攻陷，而同日到亞視遞交亞姐競選表格的報名者，質素也同樣低劣！
亞視《ATV 2012亞洲先生競選》昨日在大埔總台首次面試，亞視高級副總裁葉家寶、前亞姐楊玉梅、姚嘉雯和兩性關係導師Santino等擔任評判，首批面試者有24人，稍後還有多個賽區進行面試，最後揀選30名猛男參加11月18日舉行的決賽。
昨日面試的24位猛男年齡由22至53歲，高矮肥瘦禿頭樣樣齊，認真重口味！參賽者先穿便服上台自我介紹，再換上泳褲讓評判品評，部份參賽者乘機一展功夫和跳舞等博取評判好感，不過騎呢男卻佔了大多數，樣子標青的只有「翻版杜德偉」黃集鋒、貌似鄭嘉穎的24歲梁漢宇及來自內地的「巨鵰霆鋒」周帥，周帥更因激凸而出位。至於梁漢宇則在上半身搽晒粉，明顯上下身不同色。
靚仔：更有信心
在騎呢怪中變得出類拔萃的「翻版杜德偉」黃集鋒，事後承認有備而來，為參選準備了一年多，他說：「我優勝嘅地方係身高同身形平均，今日見埋其他參賽者就更有信心。」他表示以前是兼任軍人和拳擊運動員，現希望入娛圈。「河童阿叔」吳華星被問到為何夠膽面試，他說：「相信亞視除咗要靚仔外，仲有好多唔同嘅角色例如諧角。」他又坦言有點不忿氣和不開心，因部份人有時間表演，但他就未獲安排。
採訪：王崇穎
攝影：陳俊強