上周六嘅日聯又有意外賽果，浦和紅鑽（紅衫）喺主場迎戰大阪飛腳（白衫），竟然慘吞5蛋，遭逢今季最大敗仗。飛腳近幾場波突然火力暴增，一對前鋒李安度蒙迪拉同埋保連奴奧利華拉各入兩球，呢場波已經係佢哋近5場聯賽第3次至少攻入對手5球。紅鑽慘敗對佢哋爭標打擊都幾大，賽前同分喺次席嘅仙台維加泰同日主場2:1險勝神戶勝利船，拉開至3分距離。