張燊悅、翁嘉穗、陳浥萍（Monica）和榮雪梅等，前晚在中環出席La Mer晚宴，林子祥表演時被女嘉賓包圍，眾人媽打李麗娟更冧到送花。張燊悅未開席就走，趕返家做煮飯婆，她說：「返去煮飯，因為炒咗工人，唔容許屋企有控制唔到情緒嘅人，好粗魯，成日發小朋友脾氣。」打細路？她說：「唔係，係佢一擰轉面就會講粗俗嘅說話，唔想啲細路爛口。」
張燊悅指已警告工人多次，但屢勸不聽，但現時發現湊女更開心：「朝晚都見到佢哋，又唔使工作，又一家都有啖好飯食。」不過有時三歲大女扭計自己都會發脾氣，她笑說：「有冇人搵我復出拍戲？我想叫麥兆輝開套《靚太唔易做》，我同一班太太朋友一齊拍。」
採訪：林嘉慈
攝影：陳俊強