羅康瑞除咗係上海姑爺，仲係重慶市政府經濟顧問。心繫重慶嘅佢最近穿針引線，請本港四大商會頭目拉隊去重慶考察，據獲邀嘅廠商會會長施榮懷話，四大商會一齊去考察一個省市嘅活動，近幾年真係少之又少㗎。羅康瑞係梁振英最大金主，出錢出力捧CY上位，幾大商會巨頭梗係畀面撐場啦，而上海姑爺亦好識做，知道施榮懷同工總主席鍾志平考察後，要趕返香港出席專資會六周年晚宴，所以出動埋私人飛機接送。薄熙來事件後，重慶變成點？阿施話冇乜異樣，市面好平靜，四個商會仲提出想喺重慶搞港商工業園，相信唔少港商有興趣考慮投資。