【本報訊】今年雙春兼閏月，大閘蟹提早中秋前上巿；首批正宗太湖蟹昨日抵港，今年太湖蟹大豐收，蟹價較去年回落最多兩成。陽澄湖大閘蟹今日開捕出湖上巿，第一噸蟹明日攻港。有蟹商指出，雖然大閘蟹整體價錢回落，但六両以上的特大巨蟹供應緊絀，價錢較去年同期上升至少一成，每隻售逾300元。
現身處太湖視察大閘蟹收成情況的老三陽老闆祈廣楠表示，今年氣候穩定，太湖水質良好，水草豐茂，造就今年太湖大閘蟹大豐收，不但質量高，產量較去年多約兩成，料總產量達3,000多噸。首批正宗太湖大閘蟹昨日抵港，零售價較去年回落一成至一成半不等，當中細蟹零售價更大幅下調最多兩成，「首批嚟港嘅太湖蟹大約有60籮，以細蟹為主」。
「肉質比舊年鮮啲」
祈廣楠女兒祈玉鳳補充說，由於蟹農放養蟹苗密度增加，飼料僧多粥少，今年三両重的細蟹數量增加，開季零售價較去年同期減價最多兩成，每隻約40元、四両中蟹約90元、五両大蟹約售180元。至於六両以上特大巨蟹下星期才有供應，因內地瘋搶特大蟹送禮，貨源緊絀令特大蟹的零售價急升一成，每隻售300多元起，「家啲大閘蟹仲未係最肥美，下月打後嘅個半月先至最肥。今年啲蟹比舊年多油，啲膏又鮮紅啲」。
祈廣楠續稱，陽澄湖大閘蟹今日開捕出湖上巿，產量約2,300噸，首批一噸的陽澄湖蟹明日抵港，零售價與太湖蟹相若，「蟹價同舊年差唔多，肉質比舊年鮮啲」。此外，永富食品負責人陳錦輝表示，今年太湖蟹與陽澄湖蟹品質勝去年，價錢與去年差不多。
吳中區太湖大閘蟹行業協會秘書長呂梅良表示，今年幾次颱風均未影響太湖大閘蟹。內地太湖蟹養殖公司總經理孫興良稱，太湖大閘蟹價格比去年降一成，四両重的蟹去年零售價每斤售約200元人民幣，今年售約180元。