在醫管局無障礙改善工程名單中的南葵涌診所，早前因被投訴殘廁不便傷殘人士，診所即進行改善工程，惟效果奇差，連安裝普通輔助設施也做錯，堅毅忍者總幹事王素琴怒斥：「錢就用咗，但就錯晒，同佢哋講又唔聽」。
視障人士迷失方向
王素琴指出，殘廁召援鐘及扶手完全裝錯，「召援鐘裝咗喺坐廁較後面位置，要屈隻手向後面先摸到，如果跌倒都㩒唔到鐘求救。扶手又裝得太高，身材較矮小嘅殘疾人士借唔到力撐起身」。視障人士詹先生曾到南葵涌診所試用新設施，甫入診所即迷失方向。「搵唔到任何盲人凸字標記，根本唔知道行邊度去診症大堂」。他使用「盲公竹」沿觸覺引路徑走，竟到達大堂殘廁，惟門外並無觸點凸字標記，「根本唔知嗰個位係廁所」。其實，全間診所只得兩條觸覺引路徑，另一條通往詢問處，「我問工程判頭點解鋪咁少引路徑，佢話鋪太多會令老人家摔倒，地鐵站都鋪好多，咁咪仆死好多人？」醫管局就上述指控解釋稱，南葵涌診所的無障礙工程預定明年底才完工，現時的工程是接獲傷殘組織投訴後，診所在未通知總部情況下先行分別找工程及顧問公司完成，純屬診所與總部的溝通問題。社會服務◆匿名投訴恕不處理。一經投訴，本報保留刊登權利◆報料熱線：2929 0000◆社會服務熱線：2990 8288◆蘋果日報慈善基金：2990 8688◆電郵：mailto:[email protected]◆傳真：3711 2468◆網址： http://charity.appledaily.com.hk