林峯、鄭中基、熊黛林（Lynn）、吳千語等前晚喺北角出席《男人如衣服》嘅首映禮，曾傳緋聞嘅林峯同吳千語，表現得好避忌兼冇乜交流，林峯一影完合照就火速彈開，搞到吳千語個樣有啲尷尬。林峯事後唔認與吳千語同場感尷尬：「以前全部合作女藝人嘅緋聞都當宣傳，而且我啱啱先同佢拍完戲，嚟緊亦有合作，間中都會聯絡。」
鄭中基預達明開戲
同場嘅鄭中基就獲老婆余思敏撐場，提到好友張達明嘅近況，鄭中基話：「達明OK，上星期食過飯，一樣搞爛gag，佢好好胃口，家算好番，其實佢5、6月嗰時已經冇事，但因為化療時中毒，家排緊毒，佢工作冇乜影響，我哋仲話出年開《龍咁威3》預埋佢一份㖭。
此外，Lynn話會私下叫郭富城捧場畀意見，提到另一天王嫂樂基兒盛傳離婚，Lynn就希望唔好係真：「修成正果要好多年，冇咗好可惜。」