泳兒噚日喺商台宣傳新碟，佢話最近去咗深圳做嘢，見當地嘅反日情況唔算嚴重，惟一係過關時因為架車拉咗簾，俾人叫停低查車。講到楊怡同羅仲謙車廂親熱成熱話，泳兒話希望大家畀啲空間佢哋，本身有男友嘅泳兒，就話同男友喺街只會拖手，如果同男友親熱，會選擇閂埋門喺屋企，如果男友要喺街親熱，泳兒會推開佢。