還未畢業，阿鑠已有兩部劇本被買下，其中一部更搬上大銀幕，導演邱禮濤也讚他一句「叻仔」，惟邱表示，就算寫的劇本獲別人採納，最多是證明在行內獲得認同，未必等如寫得出色。「各花入各眼，10個導演唔要你份嘢，到第11個導演好buy，某程度上都算一種運氣」。
因小兒麻痹致行動略有不便的邱禮濤表示，傷殘人士要入行，比健全人士需要付出更多毅力，要克服的困難也很多。「好多導演都要求編劇跟住隊crew上山下海拍攝，要令人對你有信心，身體上跟得上之餘，去到現場都可以發揮所長」。
多睇多寫 練好支筆
他又指，現時每年開拍的電影數量不多，開工不足的情況下，可給予新人參與發揮的機會更少。他鼓勵有意入行的青少年，平日要多訓練自己，想做編劇便多睇多寫練好支筆。「電影圈唔會登報招聘，要入行好多時靠機遇或有人推薦，事前要好好裝備自己，先可以捉緊每個機會」。
《蘋果》記者