曾志偉昨晚娶新抱兼為孫女擺百日宴，雙喜臨門，他的兒子曾國猷跟女友奉子成婚，昨晚在酒店筵開36席喜酒慶祝，榮升老爺兼祖父的志偉不但包場送酒席，更豪送價值七位數的鑽石給新抱和孫女，十分大手筆。
曾志偉的兒子曾國猷昨日奉子成婚，他跟女友的愛情結晶品已於母親節出世，志偉親自為孫女取名詩雨，昨日剛好是詩雨出生一百日，亦是父母擺喜酒的大日子，雙喜臨門。曾家昨晚假尖沙嘴金域假日酒店擺喜酒，筵開36席，前商務及經濟發展局局長馬時亨夫婦、陳慧琳經理人鍾珍、成龍、譚詠麟、張學友、黎瑞恩、苗僑偉、洪天明、周家蔚、陳百祥、黃杏秀及吳啟華等到賀。
四代同堂大合照
問到榮升老爺的志偉有否喜極而泣？他說：「咁開心點會喊呢，今日最開心係影大合照，屋企好少咁齊人，四代同堂，好開心，以前仔女細個要手抱坐大髀影相，今日排番同一位置影相，坐唔到大髀，好好笑。」問前妻寶媽（曾寶儀媽咪）有否出現？志偉說：「冇嚟，我都好多老婆，哈哈！今日仔女、老婆、孫、仔女嘅男女朋友都嚟晒。」他笑說送玻璃給新抱，問是否鑽石？志偉笑騎騎說：「都係嗰啲，送一個唔好，個個都送，係女都有，一定過七位數。」至於孫女百日宴，他豪爽說：「梗係包場，本嚟唔諗住請朋友，但老婆話一定要請，臨急先打畀朋友，阿倫（譚詠麟）知我娶新抱話點忙都會嚟，咁遲先通知朋友真係要道歉。」
推劇避反日壓力
此外，最近中日關係敏感，有傳志偉推掉日劇《金田一少年之事件簿》，他說：「係，家點拍？我都推咗好多嘢，好似下月日本政府頒最高榮譽勳章畀我，家我都婉拒咗，仲有過年有個日本節目都推咗。」
採訪：楊潔雯 攝影：黃偉雄