紅鑽「飛」躍再贏
月頭講過紅鑽冠軍有6倍未失信心，上周驚喜作客擊沉水手後，家得番4.5倍，今場迎戰今非昔比嘅大阪飛腳。飛腳情況一如上季身陷降班威脅嘅紅鑽，名牌撼強，無謂再憧憬，紅鑽少讓平／半，上盤加入球「大」兩注出擊。「1哥」三箭作客鯨魚，不掂為妙；不過感覺上，上次重點命中嘅鯨魚讓唔起，開和等紅鑽再追近啲？
些路迪搵登地祭旗
些路迪周中打和實力高過佢哋嘅賓菲加，算係一個good start；累計已3不勝，返回一池死水嘅聯賽，原來可以hea打，都係時候做嘢。續主場出戰包尾嘅登地，森馬拉斯未得，另一射手加利賀柏會復任正選，博佢哋反底，大炒一場。
阿積士拔「牙」出氣
一向佩服阿積士，完善青訓及買幼齒嘅眼光，然後培育成才跟住賣畀歐洲大會，循環不息；法蘭迪保亞、伯金及奧華馬斯組成嘅年青教練團，好有朝氣！班波周中作客僅完場前負多蒙特，成場波控球指數仲多過對手，不損士氣；看來今屆喺聯賽冇咗後防兩星（維頓漢及雲達韋爾）一樣夠殺，明日荷甲早場作客實力比上屆弱嘅海牙，單W唔會有肉食，荷甲班霸，最啱玩波膽，攻3:1，4:1！
富明尼斯勝望「高」
上次貼甚少推介嘅西甲，看上早場嘅馬拉加得手；今次再試新嘢，搭順風車撐巴甲「1哥」富明尼斯，迎中游紐迪高開「大」勝波膽，2:1，3:1。巴甲玩統計，主場從來特勁，今屆比賽過了逾半，主W勝率逾48%；巴甲一輪衝鋒後，多數球隊如富軍暫會回復一周一賽，戰果應會正常番些少。紐迪高上周中都係靠主場爆冷氣走明尼路，但作客常變蟲，近3次俱錄得淨輸2球或以上，主W穩開，嫌熱可博波膽。