楊怡和羅仲謙車震事件引起不少迴響，楊怡胞姊楊卓娜竟懵然不知，昨日她在將軍澳電視廣播城錄影節目時，被問到妹妹楊怡的事，她說：「做乜事？我都唔知乜事，冇嘢講，唔關我事。」問楊卓娜可有致電妹妹？她竟說：「冇呀！我今朝好忙。」不過楊卓娜昨在微博說：「支持你！真金不怕洪爐火，了解你，清楚你為人的人，一笑置之！」
至於楊怡前度緋聞男友黎諾懿說：「係羅仲謙車佢返屋企，以我識楊怡係唔會咁做，會唔會係飲醉酒？」對於楊怡在行車時沒戴安全帶伏在謙仔要害上，黎諾懿說：「咁應該係唔係幾安全。」
方中信：佢唔開工我慘
正跟楊怡拍攝劇集《仁心解碼2》的方中信表示自己同屬受害者，他說：「佢今日唔返，我唔係佢朋友唔好影我，我都係受害者，我甩咗兩場，我係今朝喺廁所知，小朋友緊張搵碇匿，佢哋再係咁，佢三、四日唔開工我就慘，你哋要等去佢屋企等，呢兩日等唔到佢。」
採訪：楊潔雯
攝影：黃偉雄
