背負逾31萬選民的期望，涂謹申的壓力可想而知，「家出街，我都唔敢再傾電話，因為十個市民中，可能有一個投咗你票，如果人哋同你打招呼你唔騷佢，人哋可能以為你好巴閉、好無禮貌」。
泛民「誰也不領導誰」
涂謹申說話從來謹慎，成為「票王」後，他笑稱心思可能比以前更縝密，更小心說話。手握逾31萬票，縱使只是議會內70位議員之一，涂謹申的任何意見也有可能影響大局。他也坦言：「如果有啲議題上，有啲意見係打和，我揀邊一邊，就可能會有個影響力喺度，所以對我嚟講，壓力都好大。」
正因影響力大，涂謹申指若任內遇上「好離譜」的事，不排除無限期絕食，甚至辭職發動公投，「呢個相信係大部份市民對我嘅沉重託付；因為市民投你一票，係相信你喺關鍵時刻，肯挺身而出，相信你嘅判斷，該做的，就要去做」。
民主黨今屆議席驟減，卻多了一批新興泛民政團出場，涂謹申形容今屆議會內的泛民山頭林立，「泛民以後係『誰也不領導誰』」，建議泛民日後的工作會議，採取輪任主席制度。
豺狼當道，涂謹申更希望泛民日後可以好好合作，同心抗敵，強調民主黨若就政改判斷錯誤道歉，便有助泛民盟友重建信心。
《蘋果》記者