港澳辦前副主任陳佐洱出書開發佈會，狼振英冇到，由老婆唐青儀捧場，以示畀面。不過狼太實在太多畀面派對要去，噚日佢走完一場接一場，遲大到。雖然狼太遲到大半個鐘頭，不過佢相當識做，大嗱嗱拎咗成800蚊出嚟，掃咗五本陳佐洱嘅新書，唔知佢係咪打算一家五口一人一本呢？講番狼太亮相，越嚟越難畀記者埋身訪問，噚日難得開金口，對於佢老公個政府民望仆直，連民調都話市民信任度創8年新低，狼太死撐話：「成個團隊都好辛苦，好努力㗎喇。」