【本報訊】特首梁振英7月上任後，還未正式到北京訪問，反而政務司司長林鄭月娥卻「截糊」，後日（23日）北上訪京三天，其間更會拜訪多個部委，儼如特首訪京述職；有民主派議員直指，梁振英這位特首已淪落至「可有可無」。梁振英3月底當選特首後曾兩度訪京，先在4月北上領取委任狀、6月到北京出席香港慶回歸活動，但至今仍未正式官式訪京。反之，被坊間認定為實際特首的林鄭月娥卻搶先一步，下周日訪京三日期間會拜會港澳辦、國家發展和改革委員會、外交部、衞生部及國家統計局等，並與全國婦女聯合會會面、參觀當地文化設施，以及與在京港人交流，行程之緊湊屬近年少見。
「梁振英縮埋咁滯」
民主黨何俊仁直指，林鄭月娥較梁振英越來越像特首，「呢輪睇到差唔多全部政府政策靠晒林鄭，梁振英差唔多縮埋咁滯，真係唔知佢仲有冇咁嘅（管治）意志。」何俊仁批評，梁振英上任後原形畢露，「玩語言偽術、又缺乏承擔，令市民冇晒信心。」何俊仁坦言：「家市民睇（信任）林鄭多過睇梁振英，但唔知林鄭捱得幾耐。」