【本報訊】逾百名親友及懲教同袍昨到庭聽判，逼爆法庭，場面墟冚。有退休懲教人員聞判後直指裁決不恰當，認為三名被告根本無動機「要置佢（死者）於死地」，指判決影響公眾對本港司法制度信心。有現役懲教人員指出，案件打擊前線人員士氣。
斥裁決「唔恰當」
本案昨吸引數十名懲教人員到庭聽判，當中有人更特意請假前來。現職懲教署的張先生指，案發時三名被告要制服死者，是一種互動情況，「佢哋都係執行職務，好難講佢哋行為係咪過火」。張不認識三名被告，他最初指三人無辜，後改口說很難講，但指本案對前線人員是「大衝擊」，亦打擊士氣。退休懲教人員林先生不滿判決，直指案情不合理，裁決「唔恰當」，認為三人「水洗唔清」。他指出，「個犯身上有117處瘀傷，好似要置佢於死地，但係為乜呢？警察查咗三年都冇證據，查唔到動機」。他又稱前線懲教人員會遇到犯人吸毒後表現失常，均會制止他們，但背後目的是要令他們不要遭受傷害，本案將令前線人員「以後唔知點做好」。