今晚歐霸，熱刺喺主場對拉素，球會一早就邀請名宿加斯居尼(圖)去白鹿徑睇波，因為佢當打嗰陣都效力過呢兩隊波。不過，今年45歲嘅加斯居尼竟然用「私人理由」拒絕咗邀請，令人懷疑佢健康出問題。眾所周知，就係鋪酒癮搞到加斯居尼當年越踢越差；就算掛咗靴後都戒唔甩，仲試過飲到入醫院做手術。希望佢今次真係唔得閒而唔去睇波，唔係身體有咩事啦！