曼聯領隊費格遜(圖)一向同利物浦好大仇口，由佢執教曼聯嗰日開始，已經講到明要取代利記成為英格蘭第一球會！不過，喺希斯布祿慘劇呢件事上，佢老人家就話全力支持利記，仲好明白死難者家屬嘅感受。嚟緊周日利物浦對曼聯嘅聯賽，係調查希斯布祿慘劇嘅官方文件公開後，利物浦首次喺晏菲路比賽；賽前會有悼念儀式，向沉冤得雪嘅96個死難者致敬。