內地導演賈樟柯受到中日關係惡化影響，已取消下月到日本嘅宣傳活動。據噚日嘅《朝日新聞》報道，賈樟柯原定下月1日展開五日四夜嘅日本宣傳之旅，計劃到訪福岡市、山口市同廣島市等地，舉行電影播放會兼近距離同日本影迷交流。不過活動中間人向日本主辦單位表示因中日關係惡化，決定終止活動。