國泰公佈停止載運非持續性鯊魚及相關鯊魚製品，激嬲一班魚翅業界，今日去國泰於金鐘嘅辦事處示威抗議。海產進出口商會委員長梁力其批評，連權威嘅瀕臨絕種野生動植物國際貿易公約（CITES）都冇列魚翅為禁品，國泰有乜理由只係根據屬諮詢機構世界自然保護聯盟（IUCN）嘅研究報告，就判斷捕鯊屬非持續性漁業，下令停運？大鬧如果國泰參考IUCN報告，點解唔停載報告都有批評嘅魚子醬、鵝肝醬，質疑呢啲係鬼佬鍾意食，國泰就唔禁?
查實國泰回應過，話只要經海洋保育協會（MSC）認可嘅可持續性鯊魚如白斑角鯊，就會繼續載運。梁力其噚日亦否認漁民會活生生剝魚翅後將條鯊魚掉番落海，「啲鯊魚死咗先劏，而且魚肉都有人食㗎。」但八方睇過好多紀錄片，都揭發呢類暴行。