反洗腦浪潮停不了，就連台灣嘅Hip-hop歌手大支上星期都專登飛嚟香港支持，仲同本港嘅L.M.F.主音MC仁，合力炮製咗首名為《洗腦教育》 http://www.youtube.com/watch?v=ZMtliZf6QgU嘅反洗腦歌，一齊rap住聲援香港學生。歌詞句句到肉，話香港「狼來了」，領導一大班騎呢怪，想要壓制港人思想，仲話 ;家只係假讓步，叫港人唔好中計。MV以黑白色為主調，佢哋全程都戴住豬嘴口罩，寓意香港就嚟呼吸唔到自由空氣，好有心思。
趕起MV撐城大罷課
其實大支嚟香港嗰陣，仲去咗中大參加大專罷課活動，同時殺入政總雙手打交叉。佢雖然已經返咗台灣，但緊貼香港事態發展，知道噚日城大學生有反洗腦罷課，專登趕起MV，等大家可以轉發打氣。而學民思潮召集人黃之鋒，呢排冇乜露面，佢噚日喺facebook留言話病咗，原來係感冒，八方祝佢早日康復。