32歲嘅美國網球手「大威」威廉絲（小圖）近年越打越沉，對上一個大滿貫女單冠軍經已係08年嘅溫網；不過，佢就愛情得意，日前仲俾人影到同佢嗰位28歲嘅意大利商人新男朋友，喺公眾場合嘴咀（圖）。另外，大威日前證實佢會同伊斯拿合作幫美國打年尾嘅賀文盃；查實今次係佢第一次玩呢個喺澳洲珀斯舉行嘅國際性賽事，唔知到時佢嘅男朋友仔會唔會飛去澳洲幫佢打氣呢？