布力般流浪今季降落英冠，但鄧尼同摩頓柏達臣等班英超主力都冇走到，加埋新簽嘅紐奴高美斯(圖)，實力可以話超晒班，家頭6場聯賽保持不敗，以4勝2和得14分，排緊榜首。周二晚，佢哋主場對班士利，靠新尖刀佐敦洛迪斯同紐奴高美斯各入一球，以2:1贏波，其中36歲嘅紐奴高美斯真係寶刀未老，已經連續4場聯賽都有入波！