靚女有着數，嫁着個好老公更加有運行。有警隊梁詠琪之稱嘅警花李雅麗今年7月再紮職做高級警司。佢家陣先至41歲，前途無限。李雅麗07年11月升為警司，翌年9月嫁畀大佢15年、當時為助理警務處長家做到副處長嘅鄧甘滿，成為警隊一時佳話。
李雅麗03年先坐正總督察，四年幾升一級做警司，再過四年幾又升一級做高級警司，頭尾加埋唔使10年；警隊內唔少人做咗警司十年、八年都未有得升。真係恨死隔壁，有人懷疑係咪受惠於高層老公呢？警察公共關係科話，晉升評選準則公開刊載於內部行政指示，以候選人的才能作為基本考慮，不會評論個別人員的晉升事宜。