人民力量黃洋達在選舉中不斷狙擊民主黨胡志偉，甚至連同樣是公投派的陶君行都不放過，如在港台論壇就揶揄二人「一路走來始終唔得」。陶君行昨提起此事，只一笑置之：「我嘅選舉策略係區分民主黨，ignore（不理會）人民力量」。自言在論壇每次發言只得數分鐘，他寧願用來揭穿建制派的保皇黨面目，「好似街市阿叔阿嬸咁嘈有咩意義？成世人未鬧過交咩」。
陶君行承認，人民力量黃洋達在港大民調的支持度一直上升令他感驚訝，「佢咁嘅表現都可以升，冇內容，齋鬧，其實得一句，就係民主黨賣香港，連點賣香港都解釋唔清楚，又冇argument（論據）……呢啲都叫立場」。不過，他覺得一般市民難以區分社民連與人民力量，反正對政府感不滿，想「玩到盡」就投給最激的一個。陶強強調：「我哋（社民連）所謂激進嘅街頭路線，係會同你留守到最後一刻，而唔係叫人坐低之後自己走咗去」。
《蘋果》記者