今日係《爽報》一歲生日，八方喺度講聲生日快樂。之前佢哋邀請全港讀者做《爽報》，話會選篇終極佳作，勝出者可以得到價值逾17萬元嘅Hyundai Elantra 1.6四門房車（圖）。呢部名車終於有主人啦，八方收到風，一名筆名「穿甲龍天」嘅讀者，以〈因愛之名 生命無價〉嘅文篇脫穎而出。呢位「記者」係一位單非媽媽，寫嘅係來港產子嘅難忘經歷，文筆出眾，聽聞佢係上海某名牌大學畢業生。導演彭浩翔嘅文篇都有入圍呀，佢寫初到北京時，睇戲時慘遭強國霸氣觀眾傾偈滋擾嘅一段難忘經歷。內容係咪好吸引呢？不如今日早啲去拎份《爽報》睇睇啦。