全城反國民教育科情緒激昂，人人皆曉推動社運背後有一個組織叫學民思潮、有一個學生叫黃之鋒。一年間，學民思潮成員由數十人極速增長至數百人，成為一個強大的學運團體，發起的「729反國民教育大遊行」獲逾9萬人上街支持、十日佔領政府總部運動，累計更有近29萬人次參與。
「唔係學運領袖」
過去半年，學民思潮召集人黃之鋒每隔數天便在報紙或電視亮相，連歌星名人都公開支持及讚揚這個黃毛小子，但他未感飄飄然，淡淡道：「我唔覺得自己係學運領袖，只係一個反對國民教育科嘅推動者，去推動大家參與，話畀其他同齡?學生知道，黃之鋒一個15歲嘅中五學生，可以企出嚟，其實大家都可以。」他更笑言「同學唔會當我係乜特別人物去看待，因為返到學校，我都唔係嗰個上台發表演說、嗌口號嘅黃之鋒，只係一個好普通既學生」。
他樂見港人公民意識提升，更多學生關心社會，「最爽嘅地方係，當你明明見到大家唔係好關注，但你仍然堅持，不斷策劃好多活動向政府施壓，慢慢一步步路咁鋪上去，好似捉棋咁，最終捉到呢一刻，你會見到有曙光嘅出現」。
最爽：公民廣場已經遍佈整個香港?學校。
最不爽：政府橫行霸道，對佔領行動全部無動於衷，好似鐵板一塊。
